|
|
Johnny Hotwire - Veiens ridder
Resymè: Original tittel: Johnny Hotwire rides again.
Etter å ha fått Billy ut av det kriminelle miljøet i Chicago-området, er Fantomet på veg tilbake til Bengal. På vegen til New York treff han på Meg Tillotson, som punkterer bilen og går i grøfta. Fantomet presenterer seg som Johnny Hotwire og tilbyr Meg skyss til næraste bilverkstad. Meg inviterer han heim, der familien nettopp driv og flyttar inn. June Tillotson, mora til Meg, tek vel imot Fantomet, men faren, borgarmeister Hugh, er meir kjølig. Hugh tilkallar politiet, men Fantomet vert ikkje arrestert fordi det er ingenting å arrestere han for.
June inviterer etterpå Fantomet til innviingsfesten deira. Under festen prøver to gangsterar å presse Hugh Tillotson i hans private kontor. Fantomet overraskar dei, bankar dei opp og har så eit lite privat avhøyr - i fantometdrakta. Han får den informasjonen han treng, og dreg til hovudkvarteret til banden. Der får han vite at forbrytarsyndikatet til banden har kjøpt borgarmeisteren, og også at heile familien står i fare for å bli myrda av ein annan bande. Fantomet kjem akkurat tidsnok, og forhindrar eit trippeldrap. Etterpå tilstår Hugh Tillotson at han har motteke pengar frå syndikatet. Neste morgon reiser Fantomet vidare, men Meg blir med til bilverkstaden for å hente bilen. Då dei er framme gjev ho Fantomet eit kyss til farvel, og det skjer akkurat idet Sala og Lily kjem køyrande forbi. Dei skal på besøk til Dorothy McCoy, som er ei venninne av Lily. Sala har ei lita samtale med Fantomet, der han forklarer at faren har døydd. Sala gjev også Fantomet eit kyss før ho og mora dreg vidare, og Fantomet fortset verda mot New York.
Artig detalj: Dorothy McCoy er namnet på kona til fantometteiknar Wilson McCoy.
|
|
|
|
